A partir de agora, poderás atoparnos en www.anpaandaina.es
Mudamos a nosa web
Autor: ANPA
Extraescolares 23/24
Queridas familias,
esta é a oferta actualizada de actividades extraescolares para o curso 2023-2024.
As actividades nas que se indica “continúa outubro” continuaran provisionalmente durante o mes de outubro. A súa continuidade dependerá do número de participantes.
ACTIVIDADES EXTRAESCOLARES NO CEIP XUNQUEIRA 2
ACTIVIDADES EXTRAESCOLARES NO CEIP XUNQUEIRA 1
Anias ofrece ao alumnado interesado en participar na actividade de patinaxe a posibilidade de asistir a actividade en outro centro. Para máis información consultade directamente con Anias.
SISTEMAS DE INSCRICIÓN:
Enviando formulario de inscrición cuberto á dirección de correo electrónico: extraescolares@anias.es
De forma presencial na oficina de Anias, na rúa Echegaray, 39, baixo, Pontevedra
En liña accedendo a ligazón: Formulario de inscrición en liña
As actividades extraescolares comezarán a primeira semana de Outubro no horario previsto e rematarán en Xuño de 2024.
Xornadas de portas abertas das actividades extraescolares
Anias, empresa que xestiona as actividades extraescolares, invítanos a unhas xornadas de portas abertas nas sesións da vindeira semana (do 2 0 6 de outubro). Polo tanto, se algún neno ou nena quere probar algunha das actividades indicadas a continuación, é o mellor momento.
Para participar só tendes que chamar ou enviar un whatsapp a calquera destes números: 685 535 202/ 649 346 457 indicando o colexio, nome completo do/a neno/a, actividade ou actividades nas que vai a participar, se asiste ou non a comedor; así como o nome da persoa que recolle ao menor á saída e un teléfono de contacto.
Deixamos aquí todos os detalles:
Reunión ANPA ANDAINA aberta a todas as familias
Ola a tod@s as familias do CEIP Xunqueira II!
Empezamos novo curso escolar e por iso dende a xunta directiva da Anpa Andaina convidámosvos a reunión de principio de curso que se celebrará o próximo Mércores 20 de Setembro .
DÍA: Mércores 20 / 09 / 2023 LUGAR: Patio do CEIP Xunqueira 2 HORA: única convocatoria ás 19:00h
Varios membros da Xunta Directiva causan baixa polo que para que poida seguir existindo a ANPA precisamos voluntarios para forma parte da Xunta Directiva. Se estás interesado en formar parte da Xunta Directiva contacta con nos por email.
A día de hoxe non temos o número mínimo de membros para poder renovar a Xunta Directiva polo que se non se presentan novos candidatos a nosa ANPA desaparecerá.
Comedor e Madruga curso 2023-2024
Achegamos a carta informativa e instruccións que nos pasan dende Arume para a renovación ou a nova contratación dos servizos de almorzos e de comedor para o novo curso escolar 23-24.
Nela tedes toda a información para poder realizar as xestións que necesitedes.
A partir de mañá 2 de agosto xa estará activa a AppColechef para a contratación dos servizos de madruga e comedor.
MOI IMPORTANTE. No caso de alerxias e/o intolerancias debedes comunicalo e enviar o informe médico ao correo electrónico: info@arumeservicios.es , tal e como se indica na carta informativa.
Do mesmo xeito que este curso todo xestionarase a través da App Cole chef. Na carta atoparedes todos os pasos que debedes seguir para poder darse de alta nos servizos que actualmente temos no centro escolar.
O prazo de inscrición estará aberto ata o 1 de setembro para usuarios e usuarias habituais despois desa data terían que ser contratación de esporádicos para o mes de setembro.
O servizo de almorzos e comedor iniciarase o mesmo día que se inician as clases, o luns 11 de setembro 2023.
Como indican na carta, se tedes algunha dúbida ou consulta están á vosa disposición para atendervos no teléfono de atención ás familias 942 42 00 18 ou tamén por correo electrónico en: soporteapp@colechef.com.
EN RUTA COA DEPO 2023: A Illa de Ons e a localidade mariñeira de Portonovo
Prazas esgotadas.
Ola Familias!
Estamos organizando unha excursión para o sábado día 5 de Agosto a A Illa de Ons e a localidade mariñeira de Portonovo dentro do programa En Ruta coa Depo da Deputación de Pontevedra
“En ruta coa Depo” é un programa que leva a cabo a Deputación de Pontevedra, a través do Servizo de Cohesión Social e Xuventude, dirixido a entidades sen ánimo de lucro, a través do que se lles ofrecen alternativas de ocio e de tempo libre aos distintos colectivos sociais da provincia, coa finalidade de fomentar o tecido asociativo e a convivencia e, ao mesmo tempo, promover e dar a coñecer o patrimonio natural, artístico, etnográfico e cultural de proximidade.
Este programa ten por obxecto a concesión dunha excursión dentro da provincia de Pontevedra á entidades sen ánimo de lucro coa finalidade de fomentar o tecido asociativo á vez que promociona e dá a coñecer o patrimonio natural, artístico, etnográfico e cultural de proximidade.
O programa consiste en pasar un día coñecendo os lugares sinalados na ruta asignada cunha persoa do equipo de guías, e inclúe o xantar e o transporte. As persoas que participen no programa deberán ser socias ou familiares das socias das entidades solicitantes.
A ANPA Andaina presentou a solicitude para participar neste programa e concedéronos 54 prazas para a ruta A Illa de Ons e a localidade mariñeira de Portonovo.
| A Illa de Ons e a localidade mariñeira de Portonovo Data: Sábado 5 de Agosto Inclúe: desprazamento de ida e volta en autobús a Portonovo, traslados Portonovo-Ons, a visita guiada por unha persoa habilitada como guía de turismo especializada de Galicia e a comida tipo picnic Prezo: 13,50€ por persoa (para nenos e nenas menores de 12 anos, a asistencia é gratuíta) Solicitude de praza: do 17 de Xullo ao 19 de Xullo (pecharase antes se se completan as prazas) Pago e entrega de documentación: dende a confirmación da praza ata o 21 de Xullo |
As prazas adxudícanse por orden de solicitude. Contactaremos coas familias que obteñan praza para solicitar os datos dos participantes, e indicar como proceder co pago. As reservas son por familia, indicando o número de prazas solicitadas.
So poden participar as familias socias (pai, nai, titor legal e os seus fillos e fillas ainda que non sexan alumnos do centro). Os menores non poderán participar solos, deben ir acompañados por un ou dous adultos (pai, nai, titor legal).
Un dos requisitos que debemos cumprir é que o número total de participantes con dereito a praza gratuíta non pode superar o número total de participantes maiores de 12 anos. Aínda así é posible que dispoñamos de algunha praza gratuíta se algunha familia necesita máis prazas gratuitas que prazas para maiores.
Para solicitar praza debes cubrir o seguinte formulario:
Extraescolares 23/24
Esta información non está actualizada, podes atopar a información actualizada no seguinte enlace
Queridas familias,
velaquí a oferta de actividades extraescolares para o vindeiro curso 2023-2024.
Estade moi atentos porque nos vindeiros días publicaremos máis información.
Animámosvos a que lle botedes un ollo porque temos unha oferta moi completiña.
ACTIVIDADES EXTRAESCOLARES NO CEIP XUNQUEIRA 2
ACTIVIDADES EXTRAESCOLARES NO CEIP XUNQUEIRA 1
SISTEMAS DE INSCRICIÓN:
Enviando formulario de inscrición cuberto á dirección de correo electrónico: extraescolares@anias.es
De forma presencial na oficina de Anias, na rúa Echegaray, 39, baixo, Pontevedra
En liña accedendo a ligazón: Formulario de inscrición en liña
As actividades extraescolares comezarán a primeira semana de Outubro no horario previsto e rematarán en Xuño de 2024.
LOGRÁMOLO! O CEIP XUNQUEIRA II XA É UN ESPAZO CARDIOPROTEXIDO
Xa temos o DESA instalado no centro.
Grazas a todos os que o fixestes posible:
- A unha mami que tivo a idea de conseguir un DESA para o cole e contactou coa ANPA e co cole para trasladarnos a súa proposta e ademais se encargou de levar a cabo este proxecto de principio a fin.
- Ao dirección do cole pola boa acollida desta proposta
- As familias e persoal do centro que non dubidaron en colaborar cando pedimos a súa axuda.
- Aos profesores que asistiron a un cursiño de RCP básica para estar mellor preparados ante unha situación de emerxencia.
O cole facémolo tod@s así que toda proposta e colaboración é benvida.
Actualizado: Concurso “Deseña a túa portada” para festexar as Letras Galegas
Xa temos gañadores do concurso ” Deseña a tua portada”
Neste caso as agraciadas foron:
1º Premio: Nerea Muñoz Pérez de 4º A de Primaria
2º Premio: Noa Couñago Alonso de 3º A de Primaria
3º Premio: Carola Chan Fortes de 1 A de Primaria
Parabén ás tres e moitas felicidades a todos os participantes porque os traballos foron ben bonitos!!
Ademais todos eles teran agasallos pola súa participación
A entrega de premios será o vindeiro xoves 15 de xuño as 18:05 horas
Non nos esquecemos dos nosos colaboradores:
- Cincelaser Agasallos Personalizados
- Libreria Clip Pontevedra
- Libreria Sant Yago
- Editorial Xerais
Moitisimas Grazas a todos!!
Co patrocinio do Concello de Pontevedra
Xa chegou o Día das Letras Galegas que, como ben sabedes, este ano está adicado a Francisco Fernández del Riego. Con motivo da celebración desta data tan importante, dende a Anpa Andaina propoñémosvos o concurso “Deseña a túa portada”, no que poderá participar todo o alumnado do CEIP A Xunqueira II e que xurde co obxectivo de que os nenos e nenas do centro escolar festexen este día tan sinalado deixando voar a súa imaxinación para converterse nos autores da súa propia portada de libro.
BASES
1.- Poderán participar todos os alumnos e alumnas matriculados no CEIP A Xunqueira II no curso escolar 2022-2023 e só se aceptará unha obra por nen@.
2.- O alumnado que decida participar no concurso deseñará a portada dun libro na que deberá aparecer (ou no título -que deberá de ser en galego- ou no debuxo) un camiño, facendo alusión á autobiografía de Francisco Fernández del Riego, titulada “Camiño andado”, que foi publicada no ano 2003. Para o alumnado de Infantil e de 1º de Primaria non será necesario que a portada inclúa un título, cun debuxo feito con moito agarimo será máis que suficiente.
3.- O tamaño do deseño será, como máximo, dun DIN A-4 e será válida calquera tipo de técnica (acuarela, pintura, colaxe…). Deixade voar a vosa imaxinación!
4.- O prazo para entregar os traballos rematará o día 31 de maio de 2023 ás 14:00 horas.
5.- Para participar no concurso haberá que enviar un correo electrónico a
anpa.andaina@nontedurmas.org xuntando unha fotografía da portada deseñada polo neno ou nena e facendo constar os seguintes datos:
- Nome e apelidos e curso do alumno ou alumna participante
- Nome e apelidos do titor ou tirora legal
- Teléfono de contacto
Tamén se poderán depositar as obras de arte na caixa de correos que ten a Anpa no centro escolar. Neste caso, irán nun sobre pechado, que deberá conter o debuxo e os datos persoais mencionados anteriormente.
6.- Unha vez rematado o prazo de entrega das portadas do alumnado do centro, dende a Anpa faremos unha listaxe con todas as persoas participantes, asignándolle a cada unha un número co que participará nun sorteo de tres lotes de libros doados pola editorial Xerais. Como pasa con algúns camiños, que parecen non ter fin, este tamén quedará aberto, así que intentaremos ir completando estes lotes con algunha sorpresiña máis.
7.- O sorteo celebrarase o día 7 de xuño de 2023 e dende a Anpa poñerémonos en contacto cos gañadores ou gañadoras para facerlles entrega do premio o día e do xeito que con eles se acorde, facéndose públicos os resultados no blog e nas redes sociais da Anpa (nome e apelido do neno ou nena e curso).
8.- A participación no concurso implica a aceptación das bases e con ela autorízase á Anpa a publicar nas súas redes sociais os debuxos participantes incluíndo como identificación o nome e apelidos do autor ou autora e o seu curso.
9.- Os datos persoais incluídos neste concurso non serán comunicados nin cedidos a terceiros fóra do desenvolvemento do concurso e os interesados poderán revogar o seu consentimento así como exercer os dereitos de acceso, rectificación, cancelación e oposición en calquera momento no enderezo anpa.andaina@nontedurmas.org.
ANIMÁDEVOS A PARTICIPAR!
Excursión de fin de curso 2022/2023
INSCRICIÓNS CERRADAS!!
Que levante a man quen teña ganiñas dunha excursión de fin de curso!!!!
Pois se levantaches a man sigue lendo, e se non a levantaches tamén que aínda estás a tempo de cambiar de opinión!.
Este ano, a excursión é a Camping Paisaxe II, esperemos que o tempo acompañe e poidamos disfrutar dunha xornada de sol, praia e area!
¿Queredes máis información? Aquí tedes tódolos detalles:
- Cando? Sábado 20 de Maio de 2023 Reserva a data na axenda!
- Temos que madrugar? Temos que estar no CEIP ás 8:50h da mañá. Os buses sairán as 9:15h en punto. Prégase non retrasarse!
- Que inclúe?
- transporte dende o CEIP ata Camping Paisaxe II e a volta
- o xantar do mediodía
- a merenda de media tarde
- actividades e xogos e os monitores dedicados @s nen@s durante estas actividades.
- os nenos e nenas irán acompañados no autobús por membros da ANPA.
- A hora da comida estarán acompañados por membros da ANPA.
- Que imos facer? Dende que chegamos ata o mediodía estaremos realizando actividades na praia, polo que se vai moita calor, acabaremos metidos na auga e pola tarde, despois de comer, realizaremos xogos varios na zona do camping.
- Se ao final, acabamos metidos na auga, como se controla o baño? Dado que non tódolos nenos querrán bañarse…haberá monitores na zona de toallas, outros vixiando dende a orilla e outros metidos na auga facendo un cordón de seguridade.
- Que pasa se chove? Pois nós encargamos sol para ese día pero… no caso que non veña, non imos quedar sen diversión: teremos actividades alternativas.
- Que hai que levar?
- Gorra e Protector solar. A primeira man, que veña posta dende a casa.
- Toalla e chanclas: ímonos mollar!!!
- Roupa: o mellor é vir co bañador posto e roupa cómoda que se poida mollar. Levar muda para cambiarse antes de comer.
- Algo para picotear a media mañá (opcional).
- Botella con auga (opcional).
- A volta? Temos previsto estar de volta no CEIP para as 18:45 h aproximadamente.
- Prezo:
- Para os socios da ANPA:
- 22€ polo 1º nen@ da unidade familiar
- 12€ polo 2º nen@ da unidade familiar
- Gratis para os seguintes nen@ da unidade familiar
- Para os non socios: 42€ / nen@
- Para os socios da ANPA:
- E como me anoto? Pois cubrindo o formulario e enviando o xustificante de pago a anpa.andaina@nontedurmas.org.
OLLO: As inscricións só se farán efectivas unha vez cuberto o formulario e o pagamento efectuado na conta da ANPA: ES68- 2080-5405-34-3040102691
Prazo para anotarse: ata o día 10 de Maio 2023
Bulide que hai prazas limitadas!
Dispoñemos dun máximo de 155 prazas. Na asignación de prazas terán preferencia os socios da ANPA. As demáis prazas asignaranse por orden de inscrición.
A ANPA resérvase o dereito a modificar en calquer momento o número de prazas dispoñibles.
ANPA ANDAINA 