Autor: ANPA

Queixa ante Xefatura territorial de Educación

Tal cómo vos comentábamos días atrás, acabamos de presentar por sede electrónica da Xunta de Galicia o documento que podedes atopar mais abaixo e agradecemo-la labor de tódalas familias que se están movilizando para tratar de revertir esta situación.

Non aos recortes en educación!

Podedes usar cómo base ou directamente para presentar vós tamén a queixa a través da oficina virtual da Xunta de Galicia, indicando cómo destinatario CONSELLERÍA DE CULTURA, EDUCACIÓN E UNIVSERSIDADE e XEFATURA TERRITORIAL DA CONSELLERÍA DE CULTURA, EDUCACIÓN E UNIVERSIDADES DE PONTEVEDRA

queixainspeccioneducativaDescarga\t

Eliminación aulas infantil

O mércores 22 de xuño, no derradeiro día do curso escolar 21/22. A Xunta de Galicia, dende a Inspección Educativa de Pontevedra, remitiu á nosa escola CEIP Xunqueira N2 un comunicado no que especificaba a eliminación dunha aula de Infantil para o curso 22/23 e outra que Educación xa eliminara recientemente (pero a escola decidiu desdobrar), pasando dous cursos (quinto e sexto) de ter dúas aulas a unha exclusivamente. 

Isto provoca ademais que sexa desplazada a outro centro, unha profesora que xa tiña plaza definitiva no noso centro.

Dende ANPA Andaina damos o noso total apoio ás familias afectadas e rexeitamos completamente a eliminación destas dúas aulas e apoiamos calquer reivindicación que as familias fagan para amosar o seu malestar. Por iso vos anexamos a carta que foi redactada en conxunto polas familias e que será remitida a inspección educativa para solicitar unha reunión co inspector de educación. 

Dende o mes de marzo, coa admisión xa formalizada, a Xunta xa contaba coa previsión de alumnos e agardou ao último día da escola a face-la notificación con ánimo de que as familias non nos xuntáramos para realizar ningún acto de protesta.

Tendo en conta que hai unhas semanas, o propio Conselleiro de Educación, Román Rodriguez, durante as oposicións a mestres de infantil subliñaba que “afianzaban a calidade e profesionalidade do sistema educativo galego”, por detrás eliminan aulas nun claro intento de arruinar a calidade do propio sistema. (Ver enlace mais abaixo)

Non podemos quedar impasibles ante o atropelo que se produce aos nosos servicios públicos e menos xogar coa educación dos nosos nenos. 

Animamos ás familias a que presenten unha queixa de forma individual por medio da sede electrónica da Xunta para que mostren o seu malestar polo sucedido indicando cómo destinatario CONSELLERÍA DE CULTURA, EDUCACIÓN E UNIVSERSIDADE e XEFATURA TERRITORIAL DA CONSELLERÍA DE CULTURA, EDUCACIÓN E UNIVERSIDADES.

Dende a ANPA así o faremos!

https://www.xunta.gal/notas-de-prensa/-/nova/70047/roman-rodriguez-subraya-que-las-cerca-2-500-plazas-oposicion-convocadas-por-xunta?langId=es_ES

solicitudereunioninspectorDescarga\t

Extraescolares 22/23

¡Xa temos listo o cadro provisional das actividades extraescolares para o próximo curso!

Tedes máis información sobre cada actividade ao final deste texto pinchando na actividade que vos interese.

Comezarán a partir de Outubro de 2022 e rematarán en Xuño de 2023.

Ábrese un período de preinscrición no mes de Xuño para aqueles que queiran asegurar a súa praza nas actividades desexadas, e finalmente o período de inscrición definitivo dende o Xoves 1 de Setembro ata o Luns 26, para poder comezar no mes de outubro.

Non esquezas que os socios teñen prioridade no caso de estar as prazas xustas. Tendo esto en conta, as prazas serán asignadas por rigorosa orde de inscrición.

¿Cómo facer a preinscrición en Xuño? Para facer a preinscrición debedes cubrir o formulario de preinscrición. Período de preinscrición: aberto ata o 15 de Xullo.

Preinscrición

¿Cómo facer a inscrición? A inscrición será a partir do 1 de Setembro. Uns días antes informarémosvos nesta páxina de como realizala.

Calquera dúbida consultade connosco a través do correo anpa.andaina@nontedurmas.org ou no teléfono 616158102.

ACTIVIDADES EXTRAESCOLARES NO CEIP XUNQUEIRA 2

ACTIVIDADES EXTRAESCOLARES NO CEIP XUNQUEIRA 1

Máis información:

Asemblea Ordinaria ANPA ANDAINA e reunión aberta a todas as familias

Ola a tod@s as familias do CEIP Xunqueira II!
Estamos rematando un novo curso escolar e por iso dende a xunta directiva da nosa Anpa convocámosvos a unha xuntanza.
Este ano comezou con incerteza e empregamos moitos esforzos para que as nosas nenas e nenos volveran á “normalidade”.
Entendemos como propias nais e pais que hoxe en día temos a cabeza en mil sitios e o reloxo non para, pero só vos pedimos un ratiño para achegarvos ata o centro e poder así intercambiar opinións, suxerencias e todo tipo de dúbidas.
Agradecémosvos de antemán a vosa colaboración!

Primeiro reunirémonos coas familias socias para levar a cabo unha asamblea ordinaria e a continuación invitámos a todas as familias, socias ou non socias a asistir a unha reunión para presentar as actividades extraescolares do próximo curso.

DÍA: Luns 20 / 6 / 2022
LUGAR: Patio do CEIP Xunqueira 2
HORA:
-ASOCIAD@S CURSO 2021-22: 1ª convocatoria ás 19:00h e 2ª
convocatoria 19:15
-NON ASOCIAD@s: única convocatoria ás 19:45h
convocatoria-xuno-2022.docxDescarga
convocatoria-aberta-xuno-2022Descarga

Grazas aos que fixestes posible o II Rastrexo Infantil

Noraboa a todolos equipos que participaron no II Rastrexo Infantil – Os Jedi en Pontevedra (2022) e especialmente aos tres primeiros clasificados

  1. Halcon Milenario (CEIP Froebel)
  2. Os correcamiños (CEIP Xunqueira II)
  3. Los Padawan de Barcelos (CEIP Praza de Barcelos)

Nesta ocasión, os xoves Padawan tiñan que superar 6 probas para chegar a ser un Auténtico Mestre Jedi:

  1. A proba de Pericia
  2. A proba de Percepción
  3. A proba de Sabiduría
  4. A proba de Coraxe
  5. A proba de Espíritu
  6. A proba de Coñecemento

E o máis importante de todo é que para superar esas probas debían traballar en equipo realizando un percorrido guiándose por puntos de compás mentras executaban as probas e atopaban as letras agochadas ao longo do percorrido para formar unha frase con esas letras.

Ademáis había unha proba secreta que non lle foi comunicada aos xoves Padawan. De superar esta proba convertiríanse directamente en Mestres Jedi independentemente do resultado das demais probas. E esta proba, que consistía en pasalo ben nunha xornada entre amigos, foi superada por todos os participantes.

Moitos equipos aparcastes as ganas de gañar o rastrexo en favor da diversión e o compañeirismo, ata o punto de olvidar que estábades competindo: houbo algunhas probas nas que moitos equipos pasastes máis tempo do necesario para que poidesen participar todos os membros do equipo aínda que a proba xa estivese puntuada. Esa actitude encántanos!!!!!

Finalizado o rastrexo queremos dar as grazas a todos os que fixestes posible que isto saíse adiante.

Queremos dar as grazas a todos os equipos que participaron, xa que sen equipos non hai rastrexo, ao Concello de Pontevedra e particularmente a Área de Deportes que nos axudou cos carteis, mochilas e medallas, a Froiz que colaborou co avituallamento para repoñer forzas durante as probas, ao CEIP Xunqueira II por facer máis doado o noso traballo e por suposto aos voluntarios que axudaron antes, durante e despois do rastrexo entre os que se atopan: membros da directiva da ANPA, pais e nais, peques, mestres e Carol e os seus amigos organizadores de rastrexos.

Agardamos vervos a todos en próximas edicións!

Resposta do concello á reclamación pola falta de conserxe

Como ben sabedes, o pasado 3 de xuño presentamos unha reclamación/queixa no Concello pola falta de conserxe na escola.

Mentras, vós, as familias, unístesvos para recoller firmas e os medios locais fixéronse eco, e de seguro que chegaron a oídas do Concello dado que xa temos resposta deles.

Na resposta, o Concello realiza unha serie de aclaracións sobre os pasos que deron, pero o importante reside nos últimos parágrafos que procedemos a transcribir:

Rematado o procedemento procédense a realizar os chamamentos, sendo aceptado o posto por unha traballadora que tomará posesión na semana do 13 de xuño (data inda por concretar).”

O que se lle informa para o seu coñecemento e oportunos efectos.

Agardando que estas aclaracións sirvan para explicar o motivo da queixa formulada e promovan a súa comprensión dos feitos acontecidos.

Concello de Pontevedra

Pola nosa parte, entendemos que isto é un parche a unha situación que se ven repetindo de forma constante e recorrente nos últimos tempos e que afecta directamente ao correcto funcionamento da escola onde os docentes, alumnos e familias sofren as consecuencias.

Por iso, animamos ás familias á continuar coa recollida de firmas para que o Concello saiba que estamos cansos dunha situación reiterada e que dalgunha maneira tense que resolver de raíz.

Reclamación dun conserxe para o noso centro e iniciativa das familias para a recollida de firmas.

Ola familias!

Como xa sabedes, seguimos sen conserxe no centro. Esta é unha situación que se ven repetindo ao longo dos últimos cursos e é a segunda vez que acontece este ano.

A principios de ano xa presentamos unha reclamación ao Concello tal e como vos informábamos nesta entrada. Nesa ocasión non recibimos resposta.

Acabamos de presentar unha nova reclamación da que vos deixamos copia. A ver se desta temos máis sorte.

queixaconserxeDescarga

Ademais facémonos eco da iniciativa dalgunhas familias que están recollendo firmas para entregalas por rexistro no concello.

Deixámosvos o escrito que nos pasan.
Podedes imprimir e empezar a recoller firmas.
Poden firmar tamén familiares, veciños …
Cantas máis mellor.

Dende o luns a mañá deixarán unha mesa co papel para firmar e unha carpeta para que as familias vaian deixando as firmas. A ubicación será xusto na porta de entrada principal .

solicitud-conserxeDescarga

Que é isto do rastrexo???

Moitos de vos estádesnos preguntando que é isto do rastrexo que se vai a celebrar o 11 de Xuño. Pois se o buscas no dicionario diche que é a indagación de algo seguindo un rastro un sinal….pois ben…aquí imos explicalo de forma mais doada…pois a xente que organiza este rastrexo ten unha longa experiencia organizando rastrexos!!

Todo equipo ten que levar un compás ( “brújula”) pois o percorrido que levaran a cabo so o saberán guiándose polos puntos de compás que se lles entrega ao comezar

Ao longo deste percorrido atoparanse con varias probas de todo tipo: físicas, de pericia, de intelixencia…

Deberán ir moi atentos pois no percorrido atoparan agochadas letras, coas que ao rematar deberán formar unha frase….

Así que despois de este pequeno resumo so nos queda animarvos a todo o alumnado de primaria dos coles do concello de Pontevedra a participar pois vai a ser unha maña de sábado inesquecible.

Aquí tedes toda a información e o formulario de inscrición. Lembrade que o día 8 de xuño remata o prazo.

Que a forza vos acompañe!

Únete á Xunta Directiva da ANPA Andaina para o curso 2022/2023

Ola familias!

Esta entrada é para pedir a vosa colaboración para o próximo curso.

De cara ao próximo curso, temos que renovar a Xunta Directiva xa que varios membros cursarán baixa e necesitamos un mínimo de 5 persoas para poder constituír a Xunta Directiva.

Por ese motivo, dende xa, vos animamos a que contactedes con nós no email anpa.andaina@nontedurmas.org se queredes formar parte da Xunta Directiva o próximo curso e trataremos de resolver todas as dúbidas que poidades ter.

Lembrámosvos que a incorporación de novos integrantes á Xunta Directiva é fundamental para asegurar a continuidade da ANPA Andaina.

Neste enlace podedes ver que facemos na ANPA