Categoría: ACT. EXTRAESCOLARES

Todo o relativo as actividades extraescolares que se desenrolen no centro ou fora del.

Excursión de fin de curso 2022/2023

INSCRICIÓNS CERRADAS!!

Que levante a man quen teña ganiñas dunha excursión de fin de curso!!!!

Pois se levantaches a man sigue lendo, e se non a levantaches tamén que aínda estás a tempo de cambiar de opinión!.

Este ano, a excursión é a Camping Paisaxe II, esperemos que o tempo acompañe e poidamos disfrutar dunha xornada de sol, praia e area!

¿Queredes máis información? Aquí tedes  tódolos detalles:

  • Cando? Sábado 20 de Maio de 2023 Reserva a data na axenda!
  • Temos que madrugar? Temos que estar no CEIP ás 8:50h da mañá. Os buses sairán as 9:15h en punto. Prégase non retrasarse!
  • Que inclúe?
    • transporte dende o CEIP ata Camping Paisaxe II e a volta
    • o xantar do mediodía
    • a merenda de media tarde
    • actividades e xogos e os monitores dedicados @s nen@s durante estas actividades.
    • os nenos e nenas irán acompañados no autobús por membros da ANPA.
    • A hora da comida estarán acompañados por membros da ANPA.
  • Que imos facer? Dende que chegamos ata o mediodía estaremos realizando actividades na praia, polo que se vai moita calor, acabaremos metidos na auga e pola tarde, despois de comer, realizaremos xogos varios na zona do camping.
  • Se ao final, acabamos metidos na auga, como se controla o baño? Dado que non tódolos nenos querrán bañarse…haberá monitores na zona de toallas, outros vixiando dende a orilla e outros metidos na auga facendo un cordón de seguridade.
  • Que pasa se chove? Pois nós encargamos sol para ese día pero… no caso que non veña, non imos quedar sen diversión: teremos actividades alternativas. 
  • Que hai que levar?
    • Gorra e Protector solar. A primeira man, que veña posta dende a casa.
    • Toalla e chanclas: ímonos mollar!!!
    • Roupa: o mellor é vir co bañador posto e roupa cómoda que se poida mollar. Levar muda para cambiarse antes de comer.
    • Algo para picotear a media mañá (opcional).
    • Botella con auga (opcional).
  • A volta? Temos previsto estar de volta no CEIP para as 18:45 h aproximadamente.
  • Prezo:
    • Para os socios da ANPA:
      • 22€ polo 1º nen@ da unidade familiar
      • 12€ polo 2º nen@ da unidade familiar
      • Gratis para os seguintes nen@ da unidade familiar
    • Para os non socios: 42€ / nen@
  • E como me anoto? Pois cubrindo o formulario e enviando o xustificante de pago a anpa.andaina@nontedurmas.org.


OLLO: As inscricións só se farán efectivas unha vez cuberto o formulario e o pagamento efectuado na conta da ANPA: ES68- 2080-5405-34-3040102691

Prazo para anotarse: ata o día 10 de Maio 2023

Bulide que hai prazas limitadas!

Dispoñemos dun máximo de 155 prazas. Na asignación de prazas terán preferencia os socios da ANPA. As demáis prazas asignaranse por orden de inscrición.

A ANPA resérvase o dereito a modificar en calquer momento o número de prazas dispoñibles.

Extraescolares 22/23

ACTIVIDADES EXTRAESCOLARES NO CEIP XUNQUEIRA 2

ACTIVIDADES EXTRAESCOLARES NO CEIP XUNQUEIRA 1

Actividades extraescolares que sí empezan: ROBÓTICA, PATINAXE, PRE-DANZA URBANA, DANZAS URBANAS, BALONMÁN, TAEKWONDO, PLÁSTICA (Mércores 16:30-17:30), ESCULTURA e TEATRO (Xoves 16.30-17:30), DEBUXO E PINTURA E SKATE.

NON EMPEZAN (por non conseguirse número mínimo de nen@s): CORO, MÚSICA, PLASTIC FANTASTIC, TEATRO (17:30-18:30), COCIÑA, RÍTMICA, COMUNÍCATE COA LINGUAXE DE SIGNOS, INGLÉS (primaria/ martes), INGLÉS CONVERSA (primaria/mércores), INGLÉS INFANTIL (luns), deixamos aberta inscrición este mes de Outubro en Inglés infantil. 
As actividades extraescolares comezarán a primeira semana de Outubro no horario previsto e rematarán en Xuño de 2023.

O periodo de inscrición vai dende o 1 de Setembro ata o 30 de Setembro. Durante o curso escolar a inscrición farase polo mesmo sistema antes do día 20 do mes anterior.

Aqueles que xa cubrístedes o formulario de preinscrición, xa tedes reservada a vosa praza, pero tedes que confirmar a inscrición en Setembro directamente cas empresas ou clubes.

Non esquezas que os socios teñen prioridade no caso de estar as prazas xustas. Tendo esto en conta, as prazas serán asignadas por rigorosa orde de inscrición.

¿Cómo facer a inscrición?

A forma de inscrición dependerá de cada clube ou empresa. Algúns xa facilitan un link directo de inscrición ou dende a súa páxina web e outros facilitan un teléfono de contacto/mail (máis información ó final deste texto  pinchando en cada actividade). Teredes que poñervos en contacto con eles para confirmar a vosa praza ó longo do mes de Setembro.

A folla de inscrición cuberta das actividades ofertadas pola empresa ANIAS (realizaranse no CEIP Xunqueira 1) enviarase a través do correo electrónico: extraescolares@anias.es ou persoalmente na oficina de ANIAS: Rúa Echegaray nº39.

Calquera CAMBIO OU BAIXA das actividades deberase comunicar á empresa afectada antes do día 21 do mes anterior a que se faga efectiva dito cambio ou baixa. Esta comunicación realizarase mediante notificación ó/á monitor/a da actividade e por escrito vía correo electrónico, indicando o nome da actividade, datos do/a neno/a e motivo do cambio ou baixa.

Calquera dúbida consultade connosco a través do correo anpa.andaina@nontedurmas.org ou no teléfono 616158102.

Máis información:

Natación Budo

Deixámosvos a proposta de Budo para este curso. Se estades interesados tedes que contactar con eles directamente.

propuesta-budo-2022-23-2. Descarga

Extraescolares 22/23

¡Xa temos listo o cadro provisional das actividades extraescolares para o próximo curso!

Tedes máis información sobre cada actividade ao final deste texto pinchando na actividade que vos interese.

Comezarán a partir de Outubro de 2022 e rematarán en Xuño de 2023.

Ábrese un período de preinscrición no mes de Xuño para aqueles que queiran asegurar a súa praza nas actividades desexadas, e finalmente o período de inscrición definitivo dende o Xoves 1 de Setembro ata o Luns 26, para poder comezar no mes de outubro.

Non esquezas que os socios teñen prioridade no caso de estar as prazas xustas. Tendo esto en conta, as prazas serán asignadas por rigorosa orde de inscrición.

¿Cómo facer a preinscrición en Xuño? Para facer a preinscrición debedes cubrir o formulario de preinscrición. Período de preinscrición: aberto ata o 15 de Xullo.

Preinscrición

¿Cómo facer a inscrición? A inscrición será a partir do 1 de Setembro. Uns días antes informarémosvos nesta páxina de como realizala.

Calquera dúbida consultade connosco a través do correo anpa.andaina@nontedurmas.org ou no teléfono 616158102.

ACTIVIDADES EXTRAESCOLARES NO CEIP XUNQUEIRA 2

ACTIVIDADES EXTRAESCOLARES NO CEIP XUNQUEIRA 1

Máis información:

II Rastrexo infantil – Os Jedi en Pontevedra

O vindeiro día 11 de xuño, con motivo do día da familia, levaremos a cabo un rastrexo infantil por equipos con brúxula.

Poderá participar todo o alumnado que estea cursando entre 1° e 6° de primaria inclusive en calquera colexio do concello de Pontevedra.

A inscrición será por equipo con un mínimo de 6 e un máximo de 10 membros, dos cales 2 deberán de ser persoas adultas. O prezo de inscrición será de 1€ por persoa.

Cada equipo deberá traer:

  • 1 compás (“brújula”)
  • 1 caderno
  • 1 bolígrafo
  • 1 chaleco reflectante para @ capitán(/a)

O lugar de saída será o patio do CEIP A Xunqueira 2 a partir das 9 da mañá.
Na metade do recorrido teremos avituallamento para todos @s participantes ademais de premios para os 3 primeiros clasificados.

A inscrición estará aberta entre o 8 de maio e o 8 de xuño, con un límite de 50 equipos. Para inscribirse, basta con cubrir o seguinte formulario. A inscrición non será válida en canto non se faga o pagamento da cantidade correcta na conta da ANPA ES68-2080-5405-34-3040102691, estipulando como concepto o nome do equipo participante.

Formulario de inscrición

rastrexo

Que a forza estea contigo!

Colabora:

logo xunqueira 2 mapa de bits con transparencia

Logotipo Concello Pontevedra e Deportes

FROIZ Logo sass CMYK

Cartel Rastrexo 2022Descarga

Mundo Nadal

Boas tardes a tod@s,

Como cada nadal, organizamos unha visita a Mundo Nadal. Este ano a data elexida é o Sábado 21 de decembro 2019, xusto despois do remate do curso para empezar ben as vacacións.

Ese día disfrutaremos dun pase na pista de xeo, do parque de ocio (inchables, tobogán xigante de xeo, zona de deportes e máis actividades) ou da cafetería para poder tomar un café ou chocolate quente.

As normas:

  1. Tódolos menores deberán estar supervisados por un adulto en todo momento.
  2. O pase na pista de xeo é a primeira hora unicamente (45 minutos).
  3. Unha vez se abandone a pista de xeo para ir a outra actividade, non se poderá voltar a pista.

Os detalles:

      • Data: 21/12/2019
      • Hora: 11h30
      • Duración: máximo 2h
      • Prezos:
        • Socios: 2€
        • Non socios: 4€
        • Acompañante (non participante nas actividades): de balde

Para inscribirse: https://forms.gle/J9ZZpiKijyqUsNHr7

I Rastrexo infantil – O mundo en Pontevedra

O vindeiro día 25 de maio, con motivo do día da familia, levaremos a cabo un rastrexo infantil por equipos con brúxula.

Poderán participar todos @s nen@s que estean cursando entre 3° e 6° de primaria inclusivos en calquera colexio do concello de Pontevedra.

A inscrición será por equipo con un mínimo de 6 e un máximo de 10 membros, dos cales 2 deberán de ser adultos. O prezo de inscrición será de 1€ por persoa.

Cada equipo deberá traer:

  • 1 brúxula
  • 1 caderno
  • 1 bolígrafo
  • 1 chaleco reflectante para @ capitán(/a)

O lugar de saída será o patio do CEIP A Xunqueira 2 a partir das 9 da mañan.
Na metade do recorrido teremos avituallamento para todos @s participantes ademais de sorpresas e premios para os 3 primeiros clasificados.

A inscrición estará aberta entre o 19 de abril e o 19 de maio, con un límite de 50 equipos. Para inscribirse, basta con cubrir o seguinte formulario. A inscrición non será válida en canto non se faga o pagamento da cantidade correcta na conta da ANPA ES68-2080-5405-34-3040102691, estipulando como concepto o nome do equipo participante.

 

Animádevos a pasear polo mundo connosco.