PONTENCIENCIA: FEIRA DA MINICIENCIA

largeyoungfrankenstein

O Concello de Pontevedra e a Universide de Vigo, a través dunha subvención concedida pola Fundación española para la ciencia y la tecnología, realizan Pontenciencia:
Feira da miniciencia, cuxo obxectivo principal é a realización dunha feira da ciencia dirixida a escolares de educación primaria.
Unha das categorías de participación da Feira, a realizar no mes de maio, é Ciencia en familia, na que os nenos/as de primeiro a sexto de primaria que o desexen,  xunto cos seus familiares – pais, nais, titores/as, avós, avoas,…- poderán presentar os seus proxectos en stands da feira e tamén participar na fase de concurso do  Premio Pontenciencia.
As bases de participación no concurso recollerán as características valoradas, tales como a orixinalidade do proxecto, metodoloxía realizada, presentación de  resultados, etc. Entregaranse diplomas de participación a todos os participantes e cheques regalo en equipación escolar: roupa, librería,… para os proxectos seleccionados polo xurado.
As familias que desexen participar no proxecto terán un Obradoiro de investigación no que se explicará como participar e realizar unha investigación en temáticas como ciencia, educación, deporte, fisioterapia, belas artes, bioloxía, filoloxía, línguaxe….
Tamén, os que o desexen, se lles subministrarán propostas de investigación realizadas polo comité científico do proxecto e recibirán o asesoramento preciso.
Celebración do obradoiro:
Data: sábado 15 de febreiro
Hora: 12:00 h
Lugar: Sede da FANPA rúa Xan Guillermo, núm.9 (detrás de Santa María, rúa lateral ó edificio da Seguridade Social) Tel 986843412 info@nontedurmas.org Para realizar as consultas que precisen ou participar, deben inscribirse por correo electrónico indicando un nome e número de teléfono en info@nontedurmas.org ou educacion@pontevedra.eu e confirmar a asistencia ao obradoiro
A asistencia o obradoiro non compromete á presentación dun proxecto en Pontenciencia:
feria da miniciencia. Posteriormente á fase informativa haberá un período de inscrición.

Conmemoración do día dos dereitos do neno/a por parte do Concello de Pontevedra

CONMEMORACIÓN DO DÍA DOS DEREITOS DO NENO/A POR PARTE DO CONCELLO DE PONTEVEDRA.

20 DE NOVEMBRO DE 2012

1.- Entrega dos premios do concurso “O Soño da Bolboreta”. Concurso de debuxos e relatos organizado pola Concellería de Benestar Social Municipal do Concello de Pontevedra e a Fundación Meniños, onde participaron os nenos e nenas dos colexios do concello, reflexionando sobre o dereito á educación.

Día: 20 de novembro

Lugar:Teatro principal de Pontevedra

Hora: 17.00 horas

2.- Contacontos “Antía, Wamba e o regato pequeno” da compañía A TROPA DE TRAPO, en colaboración co Fondo Galego de Cooperación e Solidariedade.

Antía, Wamba e o regato pequeno está dirixida a público infantil e familiar, e conta a historia de dúas personaxes, Antía, unha nena galega, e Wamba un mozo do Congo que se busca a vida vendendo de todo na rúa. Os contos de Wamba e as merendas de Antía fundiranse nunha amizade que lle ensinará a Antía que compartir non é dar o que che sobra e que, como din na tribo de Wamba, o río énchese con regatos pequenos. …E así, cargados de historias, percorrerase a xeografía galega enteira (…que non é pouco!). Tamen por Extremadura, Andalucía e Cataluña, facendo soñar e reflexionar aos nenos, nenas, adolescentes e maiores que queiran achegarse a escoitar un conto.

Día: 20 de novembro

Lugar: Teatro principal de Pontevedra

Hora: 18.00 horas (duración 45-50 minutos)

Obradoiro musical con creación de instrumentos para nenos/as

A Concellaría de Normalización Lingüística do Concello de Pontevedra organiza unha actividade de balde para fomentar o uso do galego, na que os participantes aprenderan a construír, con materiais cotiáns, sinxelos instrumentos de vento e percusión. Na segunda parte cantarán cancións tradicionais en galego. O obradoiro estará impartido por Xico de Cariño, da asociación Na Virada.

Obxectivos:
– Achegar aos máis pequenos á creación instrumental e musical en galego.
– Fomentar o traballo en grupo na nosa lingua dentro dun contexto lúdico.
– Recuperar e ensinar cancións populares en galego e formas de creación de instrumentos tradicionais.

Data e hora: sábado, 5 de novembro de 2011, ás 11h.
Lugar: local social do Gorgullón
Duración: 3 horas, cunha pausa na metade.
Número de prazas: 20 participantes (de 7 a 11 anos)

É preciso levar: botes de refrescos, briks, ou vasos de iogur, arroz, lapis e papel para a creación dos instrumentos

Cómpre inscrición:
– Por correo electrónico ao snl@pontevedra.eu
– Por fax ao 986 85 18 00
– Persoalmente no:

Concello de Pontevedra
Servizo de Normalización Lingüística
Rúa de Arcebispo Malvar, 1

Nadal Ocio 2010

No recinto ferial de Pontevedra, organizado por Diverneno e Promovido polo Concello de Pontevedra.

Do 17 de Decembro ao 9 de Xaneiro (Pechado o 24 e o 31 de Decembro e o 5 de Xaneiro)

Co as seguintes actividades: Gardería, obradoiros, inchables, aparatos mecánico, aerotrín, circuito de educación viaria, espectéculos infantís, pallasos, magos, carteiro real e pista de karts no exterior.

PARQUE DE OCIO: HORARIO: Todos os días de 16:30 a 21:00.

PISTA DE XEO: HORARIO: De luns a venres de 16:30 a 23:00 e os Sábados e Domingos de 11:00 a 14:00 e de 16:30 a 23:00.